شاعر ترك سونقورى روح الله اميرى
شاعر ترك سونقورى روح الله اميرى- شهريميزين ديلى
در زير شعرى از شاعر ترك سونقورى روح الله اميرى آورده مىشود:
بو شاعيرين آدى روح الله اميرى و تخللوصو اميرديرּ فارسجا٬ توركجه٬ و كوردجه شئعرلرى وارديرּ فارسجا شئعرلرى اوستاد شهرييارين شئعرلرى قده قوووتليديرּ لاكين مركزدن اوزاق كيچيك بير شهه رده ياشاديغى اوچون تانينماميشديرּ ( از نوشته "سونقور توركجه سى"٬ دكتر جواد هئيت. از مجله وارليق. شماره 88-1)
شهريميزين ديلى
شهريميز شمع-ى شبوستانينا پروانه٬ منم
داغينا٬ داشلارينا عاشيق-ى ديوانه٬ منم
گتتى دونيايا خودا چونكو بو تورپاغدا منى
وئرمييه ن تورپاغينى مولك-ى سولئيمانا٬ منم
چوخ عزيزدى وطنيم٬ چوخراق عزيز هموطنيم
بو محببتده اولان عالمه افسانه٬ منم
ميللتى خورد-و ايرى گؤزلريمين ايشيغيدى
دولانان باشلارينين دؤورينه پروانه٬ منم
جانيم ايران٫ وطنيم سونقور٫ اؤزوم تورك زبان
پاكباز عاشيق اولان ميهنيم ايرانا٬ منم
منه شاعير دئمه مجنون-ى بو لئيلايام من
شبنم-ى اشكى وئره ن جيلوه گولوستانا٬ منم
يازماميش سونقور´ا تاريخ-ى مودوون بيريسى
بو جهتده گئچه ن اييامينا بيگانه٬ منم
خوشنوا بولبولو چوخ وار بو گولوستانين امير
مور-ى ميسكين كى ييغار زحمتينه دانه٬ منم.
روح الله اميرى سونقورلو
posted by Mehran Baharlı at 7:39 PM
0 Comments:
Post a Comment
<< Home