Thursday, November 03, 2005



آزربايجان ادبيياتي گؤيوندن بير اولدوز قايدي
تورك شئعري٬ بؤيوك بير اوستاسيني داها ايتيردي


سؤزوموز- مهران بهاري

چاغداش تورك شئعري و آزربايجان ادبيياتينين گؤركملي اوزاني٬ "روحوللاه اميري سونقورلو" (روح الله اميري سنقري) ٩٥ ياشيندا ياشاما ويداع ائتديּ

منه شاعير دئمه٬ مجنون-ى بو لئيلا´يام من- اميري سنقري

آدي روح الله اميري و تخللوصو امير´ديرּ گونئي آزربايجان´ين ان اوجرا بوجاغيندا يئرله شه ن سونقور شهرينده دونيايا گؤز آچميشديرּ بو سئچگين شاعير آزربايجان´ين سونقور بؤلگه سينده ايلك مودئرن اوخول سيستئمينين تمليني آتانلار آراسيندادير (تاسسوفله بو اوخوللار فارس ديلينده ايدي)ּ اميري اوتوز يئددي ايلدن آرتيق دؤولت ايشلرينده -ايلك باشدا اؤزونون آچديغي بو يئني اوخوللاردا اؤيره تمن اولاراق و داها سونرا ائلئكتئريك ايداره سينده- چاليشميشديرּ

اميري فارسجا٬ توركجه و كوردجه اولماق اوزره اوچ ديلده شئعرلر يازميشديرּ ايللرجه سهيل ادبي درنه يينين باشقانليغيني يوروده ن شاعيردن گونوموزه "نجواي سهيل" آديندا توپلومسال٬ سئوگي و عيرفان ايچه ريكلي بير شئعر ديواني قالميشديرּ اميرىنين فارسجا شئعري٬ مركزدن اوزاق كيچيك بير شهه رده ياشاديغي اوچون تانينماسا دا٬ سون درجه گؤزه ل٬ حتتا اوستاد شهريار شئعرى قده ر گوجلودورּ

اميري ياراديجيليغينين اصيل اؤنه م و ديه ري٬ يازديغي توركجه شئعرلرينده ديرּ او توركجه يازيب سؤيله يه ره ك تورك خالقي٬ سونقور٬ آزربايجان و تورك شئعري و ديلينه بؤيوك بير خيدمتده بولونموشدورּ

آشاغيدا اميري´ندن بير شئعر سونولموشدور:



شهريميزين ديلى Şəhrimizin dili

شهريميز شمع-ى شبوستانينا پروانه٬ منمŞəhrimiz şəm'-i şəbüstanına pərvanə mənəm
داغينا٬ داشلارينا عاشيق-ى ديوانه٬ منمDağına, daşlarına aşiq-i divanə mənəm
گتدى دونيايا خودا چونكو بو تورپاقدا منى Gətdi dünyaya Xuda çünkü bu torpaqda məni
وئرمه يه ن تورپاغينى مولك-ى سولئيمان´ا٬ منم Verməyən torpağını mülk-i Süleyman'a mənəm
چوخ عزيزدى وطنيم٬ چوخراق عزيز هموطنيمçox əzizdir vətənim, çoxraq əziz həmvətənim
بو محببتده اولان عالمه افسانه٬ منمBu məhəbbətdə olan aləmə əfsanə mənəm
ميللتى خورد-و ايرى گؤزلريمين ايشيغيرى Milləti xurd-o iri gözlərimin ışığırı
دولانان باشلارينين دؤورونه پروانه٬ منم Dolanan başlarının dövrünə pərvanə mənəm
جانيم ايران٫ وطنيم سونقور٫ اؤزوم تورك زبان Canım İran, vətənim Sunqur, özüm Türk zəban
پاكباز عاشيق اولان ميهنيم ايران´ا٬ منمPakbaz aşiq olan mihənim İran'a mənəm
منه شاعير دئمه٬ مجنون-ى بو لئيلا´يام منMənə şair demə, Məcnun-i bu Leyla'yam mən
شبنم-ى اشكى وئره ن جيلوه گولوستانا٬ منم Şəbnəm-i əşki verən cilvə gülüstana mənəm
يازمامي سونقور´ا تاريخ-ى مودوون بيريسى Yazmamı Sunqur'a tarix-i müdəvvən birisi
بو جهتده گئچه ن اييامينا بيگانه٬ منم Bu cəhətdə geçən əyyamına biganə mənəm
خوشنوا بولبولو چوخ وار بو گولوستانين٬ "امير" Xoşnəva bülbülü çox var bu gülüstanın Əmir
مور-ى ميسكين كى ييغار زحمتينه دانه٬ منم.
Mur-i miskin ki yığar zəhmətinə danə mənəm

روح الله اميرى سونقورلو
Ruhullah Əmiri Sunqurlu

0 Comments:

Post a Comment

<< Home